Keflavík er spáð áttunda sæti en Haraldur segir leikmenn liðsins telja sig vera betri en það.

„Ég tel okkur að sjálfsögðu geta gert betur. Úrslitin í Lengjubikarnum hafa ekki verið góð. Við höfum spilað fullt af leikjum ágætlega en verið að prófa fullt af nýjum hlutum. Það er algjörlega nýtt mót að hefjast á sunnudag og við höfum engar áhyggjur."

Guðjón Árni Antoníusson og Hólmar Örn Rúnarsson gengu í raðir Keflavíkur í vetur.

„Það er frábært að fá tvo félaga og góða leikmenn heim aftur. Við bindum miklar vonir við þá og að þeir verði öflugir fyrir okkur i sumar," segir Haraldur en viðtalið má sjá í heild í sjónvarpinu hér að ofan.

„Við byrjum heima og vonandi eigum við eftir að ná upp góðum leik. Það er planið að ná í þrjú stig í fyrsta leik."