Gareth Bale gerði eina mark leiksins er Real Madrid marði Real Sociedad í fyrsta leik dagsins í spænska boltanum.

Staðan var markalaus í 80 mínútur og þegar Madrídingar voru byrjaðir að efast um áframhaldandi þátttöku í titilbaráttunni skoraði velski kantmaðurinn.

Real er því á toppi deildarinnar með tveggja stiga forystu á Barcelona og Atletico Madrid sem eiga bæði eftir að spila í dag.