Síðasta leik dagsins í La Liga á Spáni var að ljúka, en í leiknum áttust Granada CF og Las Palmas við.

Leikurinn byrjaði heldur betur vel fyrir gestina frá Las Palmas því eftir aðeins þrjár mínútur skoraði Jonathan Viera og kom Las Palmas yfir.

Viera var svo aftur á ferðinni á 12. mínútu, en aðeins mínútu eftir það mark minnkaði Ruben Rochina muninn.

Yossef El-Arabi jafnaði svo metin fyrir Granada um miðan fyrri hálfleikinn og staðan í hálfleik var 2-2.

Endurkoman var síðan fullkomnuð á 70. mínútu þegar Ricardo Costa skoraði og þar við sat, magnaður 3-2 sigur Granada staðreynd.

Granada fór upp úr fallsæti með sigrinum, en liðið er nú með 36 stig í 16. sæti. Las Palmas er á meðan með 43 stig í níunda sæti.