Thibaut Courtois, markvörður Real Madrid og belgíska landsliðsins, fer ekki á Evrópumót landsliða í sumar en þetta staðfesti Domenico Tedesco, þjálfari Belgíu.
Markvörðurinn hefur verið frá allt tímabilið eftir að hafa slitið krossband.
Hann átti að snúa aftur í mars en þurft síðan að gangast undir aðra aðgerð eftir að það kom bakslag í endurhæfingunni.
Góður möguleiki er á því að hann snúi aftur á völlinn gegn Cadiz næstu helgi en þjálfari Belga virðist útiloka það að hann fari með á EM.
Sagði hann á blaðamannafundi að hann myndi aðeins taka leikmenn með á EM sem væru í góðu leikformi.
Courtois, sem er 31 árs gamall, á 102 landsleiki fyrir Belgíu.
Athugasemdir