Í A-riðli mættust Víkingur Ó. og Hvíti Riddarinn, en fyrir leikinn höfðu bæði lið leikið einn leik. Víkingur Ó. vann sinn á meðan Hvíti Riddarinn tapaði sínum.

Á því var svo engin breyting í kvöld því Víkingur Ó hafði betur. Leikmenn Víkings Ó. voru heldur ekki í miklum vandræðum í kvöld og staðan var 5-0 í hálfleik.

Þær bættu síðan við tveimur mörkum í seinni og lokatölur því 7-0 fyrir heimakonur frá Ólafsvík og sitja þær á toppi A-riðils eftir tvo leiki.

Í B-riðli mættust síðan nágrannarnir í Keflavík og Grindavík, en sömu lið áttust við hjá körlunum helgina. Þar hafði Keflavík betur 2-0.

Keflavík hafði einnig betur í kvöld, en sigurmarkið kom í uppbótartíma og Keflavík er því svo aldeilis með montréttinn á Suðurnesjum næstu vikuna.

A-riðill
Víkingur Ó. 7 - 0 Hvíti Riddarinn

B-riðill
Keflavík 1 - 0 Grindavík
1-0 Aníta Lind Daníelsdóttir (´93 )