„Þetta er fáránlegt að við höfum ekki náð okkar fyrsta sigri í þessum leik í dag.“ sagði Albert Brynjar Ingason, leikmaður Fylkis, eftir svekkjandi jafntefli við Fjölni í Pepsi deildinni í kvöld. Albert skoraði annað af tveimur mörkum Fylkis í kvöld en það var þriðja mark hans í deildinni.
„Við fáum á okkur mark úr föstu leikatriði sem hefur gerst í öllum leikjunum í sumar. En munurinn í dag er hvernig við brugðumst við því, við sýndum mikinn karakter og stjórnuðum þessum leik alveg frá A-Ö.“
Hópfundur eftir leikinn gegn ÍBV
Við erum farnir að sýna okkar rétta andlit. Eftir leikinn á móti ÍBV þá hópuðum við okkur saman og núllstilltum okkur sem lið. Síðustu þrír leikir hafa verið góðir. Okkur finnst að við hefðum átt að vinna uppi á Skaga, fínn bikarsigur og svo leikurinn í dag.“
Sigurinn að fara að detta inn
„Það er gríðarlega svekkjandi að hafa ekki fengið sigur úr þessu í dag en við getum tekið svo margt úr þessum leik og ef við spilum eins og við gerðum í dag þá er sigurinn að fara að detta inn hjá okkur.“
Athugasemdir