Marc Bartra mun að öllum líkindum yfirgefa Barcelona í sumar eftir að hafa fengið fá tækifæri í byrjunarliðinu á nýafstaðinni leiktíð.
Samningur Bartra við Börsunga rennur út næsta sumar en riftunarákvæði samningsins er komið niður í átta milljónir evra vegna þess hve fáa leiki hann spilaði með Barcelona í vetur.
Þrátt fyrir að hafa aðeins leikið 13 deildarleiki í spænsku úrvalsdeildinni í vetur er Bartra í landsliðshópi Spánverja á EM í Frakklandi.
Bartra er 25 ára gamall og hefur leikið með Barcelona allan sinn feril.
Athugasemdir