Þorsteinn Már Ragnarsson fór af Stjörnuvellinum á fimmtudag með nefið út á kinn og hafði misst mikið af blóði en var mættur í slaginn í kvöld í Krikanum.
"Ég var bara heppinn að nefið brotnaði ekki og glóðaraugað var miklu minna en ég bjóst við, svo ég var bara heppinn".
"Ég var bara heppinn að nefið brotnaði ekki og glóðaraugað var miklu minna en ég bjóst við, svo ég var bara heppinn".
Hann var sáttur við niðurstöðu kvöldsins og stigið sem fór vestur á Snæfellsnes í kvöld.
"Við komum ekki alveg til leiks í fyrri hálfleik en náðum okkur á strik í þeim síðari, áttum flott upphlaup og Tokic kláraði vel."
Fullt af fólki fylgdi liðinu í þennan leik, enda Kaplakriki sennilega uppáhalds útivöllur bláa hersins af nesinu.
"Við erum rosalega heppnir með stuðningsmennina okkar, þeir koma alltaf til að hjálpa okkur og styðja okkur hvernig sem gengur. Þó við höfum ekki verið góðir hérna á tímabili í dag voru þeir að hvetja okkur allan tímann og við erum með flotta stuðningsmenn".
Nánar er rætt við Þorstein í viðtalinu sem fylgir.
Athugasemdir
