„Það er drullufúlt að tapa. Við komum hérna til að ná okkur í stig en það gekk ekki. Við náðum þó að skora mark og það hlýtur að teljast gott,“ sagði Guðrún Jóna Kristjánsdóttir, þjálfari kvennaliðs Þróttar í samtali við Fótbolta.net.
Þróttur lá fyrir Íslandsmeisturum Stjörnunnar 5-1 á Samsung-vellinum í kvöld en Þróttur, sem hafði ekki skorað mark í fyrstu sex leikjum liðsins fyrir leik, tókst loksins að skora í kvöld.
Þróttur lá fyrir Íslandsmeisturum Stjörnunnar 5-1 á Samsung-vellinum í kvöld en Þróttur, sem hafði ekki skorað mark í fyrstu sex leikjum liðsins fyrir leik, tókst loksins að skora í kvöld.
„Ég var ánægð með færafjöldan í þessum leik. Við áttum drullumörg færi og þær áttu líka mörg færi þannig ég held að þetta hafi verið opinn og skemmtilegur leikur.“
„Mér fannst við ekki eiga skilið að fá á okkur þennan fjölda af mörkum í dag. Stjarnan er bara hörkugott lið og þetta var mjög erfiður leikur en ég hugsa að hann hafi verið mjög skemmtilegur fyrir áhorfendur. Þetta var mjög opinn leikur.“
„Íslandsmeistararnir voru góðar og erfiðar en við gáfum þeim alla vega hörkuleik í dag.“
Athugasemdir