Samkvæmt heimildum Fótbolta.net stefnir allt í að Hólmbert Aron Friðjónsson gangi í raðir KR þegar félagaskiptaglugginn opnar.
Mikill áhugi er á Hólmberti sem 433.is segir að Stjarnan, Valur og Breiðablik hafi einnig fundað með Hólmberti.
Mikill áhugi er á Hólmberti sem 433.is segir að Stjarnan, Valur og Breiðablik hafi einnig fundað með Hólmberti.
Samkvæmt heimildum Fótbolta.net gekk fundur hans með KR afar vel og hann ætlar að ganga í raðir félagsins.
Hólmbert var valinn efnilegasti leikmaður Pepsi-deildarinnar 2013 þegar hann fór á kostum með Fram, hann skoraði 10 mörk í 21 leik í Pepsi-deildinni, en í kjölfarið fór hann til Celtic í Skotlandi.
Hólmberti tókst ekki að brjóta sér leið inn í aðallið Celtic og var lánaður til Bröndby í fyrra.
Hann er fæddur 1993 og er uppalinn hjá HK í Kópavogi.
Fótbolti.net náði hvorki í Hólmbert né forráðamenn KR í dag en leikmaðurinn var meðal áhorfenda þegar KR vann Leikni í Pepsi-deildinni á sunnudag.
Athugasemdir
