Bakvörðurinn Jeff Schlupp hefur skrifað undir nýjan fjögurra ára samning hjá enska úrvalseildarliðinu Leicester.
Þessi 22 ára gamli landsliðsmaður Ghana átti eitt ár eftir af samningi sínum. Spilaði hann vel í úrvalsdeildinni í vetur og hafa Arsenal og Aston Villa verið orðuð við hann.
Nú er hinsvegar ljóst að hann mun spila áfram með uppeldisfélaginu sínu, en hann byrjaði að æfa með Leicester einungis 11 ára gamall.
Schlupp þótti efnilegur framherji á sínum yngri árum og fór meðal annars á reynslu til Manchester United fyrir örfáum árum.
Athugasemdir