Enn á ný er kominn EM-dagur en í dag hefjast 8-liða úrslitin með leik Póllands og Portúgal sem leikinn verður á Stade Velodrome í Marseille.

Portúgalar fylgdu okkur Íslendingum upp úr riðlinum og unnu svo dramatískan sigur á Króatíu í 16-liða úrslitunum eftir framlengdan leik.

Pólland fór enn dramatískari leið í 8-liða úrslitin því vítaspyrnukeppni þurfti til að útkljá leik Póllands og Sviss. Áður höfðu Pólverjar fylgt Þjóðverjum og Norður-Írum uppúr riðlinum.