Það var fámennt en góðmennt þegar HK og KA mættust í Kórnum í Kópavogi í dag en bæði lið eru enn með í baráttunni um að komast upp í Pepsi-deildina.

Guðmundur Magnússon kom HK yfir með sínu fyrsta marki fyrir félagið en hann kom frá Fram í glugganum. Guðmundur skoraði með skalla.

Rétt fyrir hálfleik jafnaði Gunnar Örvar Stefánsson fyrir KA en hann átti frábæran leik í kvöld.

Úrslitin urðu 1-1 jafntefli og eru liðin í fimmta og sjötta sæti en það er stutt upp í annað sætið samt sem áður.

Smelltu hér til að sjá textalýsingu