fim 30. júlí 2015 19:51
Alexander Freyr Tamimi
KR í bikarúrslit eftir sannfærandi sigur gegn ÍBV
KR-ingar fagna öðru marki Hólmberts.
KR-ingar fagna öðru marki Hólmberts.
Mynd: Fótbolti.net - Eyjólfur Garðarsson
KR 4 - 1 ÍBV
1-0 Hólmbert Aron Friðjónsson ('23)
2-0 Hólmbert Aron Friðjónsson ('41)
3-0 Óskar Örn Hauksson ('54)
4-0 Þorsteinn Már Ragnarsson ('67)
4-1 Bjarni Gunnarsson ('75)'

KR er komið í bikarúrslit eftir sannfærandi 4-1 sigur gegn ÍBV í undanúrslitum Borgunarbikarsins á Alvogen vellinum í kvöld.

KR-ingar byrjuðu leikinn betur og á 23. mínútu braut Hólmbert Aron Friðjónsson ísinn. Gonzalo Balbi kom þá með laglega fyrirgjöf og Hólmbert var mættur í markteiginn og kláraði af öryggi.

Hólmbert var svo aftur á ferðinni ekki löngu fyrir leikhlé. Hann skallaði þá boltann í stöngina og inn eftir fyrirgjöf frá Óskari Erni Haukssyni.

Staðan var 2-0 í leikhléi og KR-ingar ætluðu sér svo sannarlega ekki að klúðra málunum. Óskar Örn Hauksson bætti við þriðja markinu eftir magnaða sókn og Þorsteinn Már Ragnarsson, sem hafði komið inn á sem varamaður, bætti svo við fjórða markinu.

Bjarni Gunnarsson klóraði í bakkann fyrir Eyjamenn en það var allt of lítið og of seint. KR var búið að klára leikinn fyrir löngu og þeir mæta erkifjendunum í Val í bikarúrslitum á Menningarnótt.
Athugasemdir
banner
banner
banner