fim 30. júlí 2015 10:40
Magnús Már Einarsson
Ronaldo of dýr fyrir Man Utd
Powerade
Cristiano Ronaldo.
Cristiano Ronaldo.
Mynd: Getty Images
Mario Balotelli er orðaður við Bologna.
Mario Balotelli er orðaður við Bologna.
Mynd: Getty Images
Ensku slúðurblöðin eru í stuði í dag að venju.



Manchester United hefur hætt við að fá Cristiano Ronaldo aftur frá Real Madrid. United hafði vonast til að fá Ronaldo á 60 milljónir punda en Real Madrid vill fá 85 milljónir punda. (Sun)

Manchester City er tilbúið að berjast við Chelsea um John Stones varnarmann Everton. (Daily Mirror)

Sergio Ramos hefur samþykkt nýjan fimm ára samning við Real Madrid eftir að hafa orðaður við Manchester United undanfarnar vikur. (Marca)

Þar sem að Ramos fer ekki til Manchester United hefur Real Madrid ákveðið að byrja að ræða við United á nýjan leik um kaup á David De Gea. (Independent)

Bologna vill kaupa Mario Balotelli frá Liverpool. (London Evening Standard)

Ashley Young er nálægt því að gera nýjan samning við Manchester United en Tottenham hefur sýnt honum áhuga undanfarið. (Talksport)

Swansea hefur hent 25 milljóna punda verðmiða á Ashley Williams til að koma í veg fyrir að hann fari til Crystal Palace. (Daily Mirror)

West Ham vonast ennþá eftir að kaupa Alex Song frá Barcelona. (London Evening Standard)

Arsene Wenger, stjóri Arsenal, er að undirbúa tilboð í Sergio Busquets miðjumann Barcelona. (Daily Express)

Newcastle hefur ennþá áhuga á Florian Thauvin kantmanni Marseille. (Daily Express)

Jordan Veretout, miðjumaður Nantes,gæti verið á leið til Aston Villa á sjö milljónir punda. (Daily Mail)

Manchester United gæti farið í langa æfingaferð til Kína næsta sumar. (Daily Telegraph)

Stoke vill fá Andriy Yarmolenko kantmann Dynamo Kiev og Adama Traore kantmann Barcelona. (Stoke Sentinel)

Rickie Lambert, framherji Liverpool, gæti verið á leið til Southampton en WBA hefur einnig áhuga. (Times)

Leicester er að undirbúa 11 milljóna punda tilboð í Charles Aranguiz frá Internacional í Brasilíu. (Sun)
Athugasemdir
banner
banner