Enska úrvalsdeildarfélagið Chelsea hefur áhuga á því að fá Loic Remy frá QPR en liðið hefur lengi vel haft áhuga á honum.
Liverpool var nálægt því að ganga frá kaupum á Remy á dögunum en hann féll á læknisskoðun og því varð ekkert úr því.
Chelsea lýsti yfir áhuga sínum á Remy en ekkert hefur þróast í þeim málum. Chelsea hefur þó enn áhuga á að fá hann en liðið er að missa Fernando Torres til AC Milan.
Didier Drogba hefur verið að glíma við meiðsli og er því þörf á öðrum framherja til þess að styðja Diego Costa á toppnum.
Þetta ætti allt að koma í ljós á næstu dögum en nokkrir dagar eru eftir af glugganum og gæti margt gerst á síðustu dögunum.
Athugasemdir