„Það var frábært að koma í þennan leik. Við vorum með góðan stuðning og það voru margir á vellinum. Þetta er bara mjög góð tilfinning,“ sagði Kristrún um leikinn.

„Það var bara frábært. Það er frábært að fá stuðninginn og það var líka góð stemmning frá Selfossi þannig að þetta er bara frábært fyrir bæði lið.“

„Þetta var mjög gaman. Þetta er náttúrulega einn eftirsóttasti leikurinn þannig að þetta var bara frábært. Skemmtilegt, erfiður leikur en við náðum að klára hann.“

Sem fyrr segir átti Kristrún frábæran leik. Lagði upp tvö fyrstu mörk Stjörnunnar og kórónaði svo sína frammistöðu með því að skora fjórða mark liðsins. Aðspurð segist hún ekki geta verið annað en sátt.

„Já. Verður maður ekki að vera sáttur? Jú, ég er mjög sátt. Þetta var mjög skemmtilegt og bara vel kláruð færi hjá Hörpu þannig að ég er bara mjög sátt.“
Kristrún leikur í stöðu vinstri bakvarðar og var því svolítið stressuð þegar hún komst í dauðafæri undir lok leiks.

„Ég var pínu stressuð að klára þetta ekki. Maður er ekki vanur að vera svona framarlega en það er eins gott að ég sett‘ann.“

Bikarmeistararnir ætla að fagna sigrinum í kvöld og setja stefnuna á Bláa Lónið.

„Það var eitthvað plan. Ég held að við séum að fara upp í Stjörnuheimili núna og svo var eitthvað plan um að fara í Bláa Lónið og út að borða í kvöld þannig að það verður bara gott að fagna,“ sagði bikarmeistarinn að lokum en hægt er að horfa á allt viðtalið við hana í sjónvarpinu hér að ofan.