Eyþór Helgi Birgisson, leikmaður Víkings frá Ólafsvík, fékk í gær sitt sjöunda gula spjald á tímbilinu.
Eyþór ætti því að taka út leikbann gegn BÍ/Bolungarvík um næstu helgi en Ólafsvíkingar ætla að óska eftir því við KSÍ að leikbannið verði þurrkað út.
Jónas Gestur Jónasson formaður knattspyrnudeildar Víkings staðfesti þetta í samtali við Fótbolta.net í dag.
Eyþór ætti því að taka út leikbann gegn BÍ/Bolungarvík um næstu helgi en Ólafsvíkingar ætla að óska eftir því við KSÍ að leikbannið verði þurrkað út.
Jónas Gestur Jónasson formaður knattspyrnudeildar Víkings staðfesti þetta í samtali við Fótbolta.net í dag.
Eyþór var á dögunum úrskurðaður í fimm leikja bann þar sem aga og úrskurðarnefnd vildi meina að hann hefði brotið gegn 16. grein í reglugerð KSÍ sem fjallar um mismunun og kynþáttafordóma.
Fram kemur í skýrslu dómarans að Eyþór hafi sagt aðstoðardómaranum „að drulla sér aftur til Rússlands" en Víkingur áfrýjaði fimm leikja banninu.
Þegar Eyþór var búinn að taka út tvo leiki í banni ákvað áfrýjunardómstóll KSÍ að stytta fimm leikja bannið niður í einn leik.
Því vilja Ólafsvíkingar að Eyþór fái að sleppa við leikbann í næsta leik þar sem þeir vilja meina að hann hafi tekið út aukaleik í leikbanni á dögunum.
Athugasemdir