Haukur Heiðar Hauksson var á dögunum valinn í landsliðið í fyrsta skipti en Ísland mun mæta Tyrkjum í næsta mánuði.
Haukur var í spjalli í útvarpsþætti Fótbolta.net í dag og sagði okkur frá því er hann fékk að vita af kallinu.
Haukur var í spjalli í útvarpsþætti Fótbolta.net í dag og sagði okkur frá því er hann fékk að vita af kallinu.
,,Jú, það var mjög gott þegar að Rúnar (Kristinsson, þjálfari KR) kallaði mig inn á skrifstofu og sagði mér að Heimir hafði hringt í sig og sagt honum að ég væri valinn í hópinn. Ég var mjög ánægður með það."
,,Ég fékk að vita þetta í fyrradag, Rúnar kallaði mig bara inn á skrifstofu. Ég vissi ekkert hvað Rúnar var að fara að tala um en það var mjög ánægjulegt að það var þetta."
Haukur segist hafa átt tækifærið skilið.
,,Það var eitthvað búið að vera að ýja að því að ég eigi skilið að fá tækifæri. Ég sagði við ykkur fyrr í sumar að mér finndist ég eiga skilið að fá tækifæri."
,,Það verður gífurlega gaman að fá að prófa að æfa með þessum strákum eins og Gylfa og öllum þessum gaurum. Þá kynnist ég því hversu góðir þeir eru í raun og veru."
Vígslun í landsliðið felur í sig að það þarf að syngja lag. Haukur ætlar að taka Britney Spears og gerir það eflaust með glæsibrag.
,,Þegar ég var hjá KA þá vorum við að syngja Oh Baby Baby með Britney Spears. Við sungum það alltaf rétt fyrir leik til að peppa okkur upp. Ég er að velta því fyrir mér hvort ég eigi að taka það."
Athugasemdir
