Guðmundur Kristjánsson var á skotskónum.
Guðmundur Kristjánsson skoraði eina mark Start þegar liðið tapaði 3-1 gegn Haugesund á heimavelli sínum í norsku úrvalsdeildinni í dag.
Haugesund komst í 3-0 áður en Guðmundur minnkaði muninn rétt fyrir leikslok og var mark hans lítið annað en sárabót. Start er í bullandi fallbaráttu og í 3. neðsta sætinu eftir 22 umferðir af 30 í norsku deildinni.
Rúnar Kristinsson og lærisveinar hans í Lilleström gerðu 2-2 jafntefli á útivelli gegn Molde, en það var Fred Friday sem tryggði liðinu stig með marki undir lok leiks. Árni Vilhjálmsson sat allan tímann á varamannabekk Lilleström en Finnur Orri Margeirsson var ekki í hóp.
Haugesund komst í 3-0 áður en Guðmundur minnkaði muninn rétt fyrir leikslok og var mark hans lítið annað en sárabót. Start er í bullandi fallbaráttu og í 3. neðsta sætinu eftir 22 umferðir af 30 í norsku deildinni.
Rúnar Kristinsson og lærisveinar hans í Lilleström gerðu 2-2 jafntefli á útivelli gegn Molde, en það var Fred Friday sem tryggði liðinu stig með marki undir lok leiks. Árni Vilhjálmsson sat allan tímann á varamannabekk Lilleström en Finnur Orri Margeirsson var ekki í hóp.
Lilleström siglir nokkuð lygnan sjó um miðja deild, en liðið er í 9. sætinu með 28 stig.
Athugasemdir
