banner
   sun 30. ágúst 2015 10:40
Arnar Geir Halldórsson
PSG og Bayern berjast um Coleman - Man Utd neitar að lækka
Powerade
Coleman er eftirsóttur
Coleman er eftirsóttur
Mynd: Getty Images
De Gea er að fara
De Gea er að fara
Mynd: Getty Images
Nú eru aðeins tveir dagar í að félagaskiptaglugginn lokar og hér má sjá allt það helsta í slúðrinu. BBC tók saman.




Bayern Munchen er komið í baráttuna um Seamus Coleman, leikmann Everton, líkt og PSG. (Daily Star)

Man Utd neitar að lækka 30 milljón punda verðmiða á David De Gea. (Sunday Mirror)

Real Madrid reiknar hinsvegar með því að ganga frá félagaskiptunum á lokadegi gluggans sem er næstkomandi þriðjudag (AS)

Saido Berahino, sóknarmaður WBA, vonast enn til að komast til Tottenham áður en glugginn lokar en WBA hefur hingað til neitað öllum tilboðum Tottenham. (Sunday Telegraph)

Alex Song, miðjumaður Barcelona, er á óskalista Mauricio Pochettino, stjóra Tottenham. Kamerúninn lék með West Ham á síðustu leiktíð og á ekki framtíð á Nou Camp. (Sun)

Arsenal er að skoða möguleikann á að fá Alsíringinn Riyad Mahrez frá Leicester en Mahrez hefur verið frábær í upphafi leiktíðar. (Daily Star)

Leicester er við það að ganga frá kaupum á Dante, varnarmanni Bayern Munchen. (Sunday People)

West Ham íhugar að bjóða í Nikica Jelavic, króatíska sóknarmanninn sem leikur með Hull í Championship deildinni. (Mail on Sunday)

Inter Milan er tilbúið að punga út 6 milljónum punda fyrir Fabio Borini, sóknarmann Liverpool. (Mail on Sunday)

Arsenal mun gera eina tilraun til að fá Edinson Cavani til félagsins áður en glugginn lokar. (Fichajes)

Louis van Gaal, stjóri Man Utd, hefur gert Javier Hernandez það ljóst að hann megi yfirgefa félagið. (Sunday Telegraph)
Athugasemdir
banner
banner
banner
banner