Terry spilaði sinn 100. leik í Meistaradeildinni í kvöld.
John Terry, fyrirliði Chelsea, var ánægður með 1-0 sigur liðsins gegn Sporting Lisbon í Meistaradeildinni í kvöld.
Nemanja Matic skoraði eina mark gestanna frá Lundúnum, en Terry segir að sigurinn hefði getað verið talsvert stærri.
Nemanja Matic skoraði eina mark gestanna frá Lundúnum, en Terry segir að sigurinn hefði getað verið talsvert stærri.
,,Við fengum svo mörg færi til að klára þetta, en þetta var eitt af kvöldunum þar sem boltinn vildi ekki inn. Sem betur fer skoraði Nemanja Matic," sagði Terry eftir leikinn.
,,Við töpuðum fyrsta leiknum í riðlinum í fyrra og enduðum á að vinna riðilinn. Við höfðum það í huga og vissum að við þyrftum sigur. Nú erum við á toppnum og við stjórnvölinn."
,,Ég er mjög stoltur af því að hafa spilað minn 100. Meistaradeildarleik í kvöld, það hafa ekki margir leikmenn afrekað það. Ég hef átt frábæran feril og megi það halda áfram sem lengst."
Athugasemdir
