Heimir Hallgrímsson, landsliðsþjálfari spjallaði við Fótbolta.net eftir fréttamannafund í Laugardalnum í dag.
Hann talaði um að stuðningsmenn Íslands væru búnir að bæta sig meira en liðið á undanförnum árum og vonar hann að stuðningurinn haldi áfram seinna í þessum mánuði er liðið mætir Finnlandi og Tyrklandi.
Hann talaði um að stuðningsmenn Íslands væru búnir að bæta sig meira en liðið á undanförnum árum og vonar hann að stuðningurinn haldi áfram seinna í þessum mánuði er liðið mætir Finnlandi og Tyrklandi.
„Það hefur gengið vel og við höfum fengið frábæran stuðning, vonandi heldur það áfram. LIðið hefur tekið framförum síðustu ár en stuðningsmennirnir hafa tekið ennþá meiri framförum."
Kolbeinn Sigþórsson, framherji liðsins, verður ekki með vegna meiðsla en Björn Bergmann Sigurðarson kemur inn í hópinn í hans stað.
„Kolbeinn er að jafna sig eftir uppskurð. Þetta var mjög leiðinlegt í ljósi þess að hann var að fara í gott lið."
Við spurðumm Heimi út í FIFA málið en Ísland er ekki með í FIFA 17 en málið vakti mikla athygli og reiði hér á landi. Heimir talaði um það allt saman á léttu nótunum.
„Ég veit ekki mikið um FIFA en strákarnir spila það, þetta er einn af þessum leikjum sem ég myndi aldrei fara í með drengjunum mínum. Ég leyfi þeim aldrei að vinna mig í neinu. Ég læt það nægja að stjórna í alvöru en ekki í tölvuleikjum," sagði Heimir.
Viðtalið má sjá í heild sinni hér að ofan.
Athugasemdir