„Við vorum ekki alveg sáttir við dómarann svo við skrifuðum smá sendingu til hans," sagði Óli Jó léttur í bragði eftir leik en hann vill ekki segja hvað stóð á miðanum.

„Ég vill helst ekki gera það. Þið verðið að spyrja hann. Hann má segja það."

Fótbolti.net heyrði í Þóroddi í kvöld og fékk hann til að uppljóstra hvað stóð á miðanum.

„Það stóð orðrétt: Farðu að koma þér í stand. Þetta er alls ekki síðasti leikurinn þinn gott að vita að þú verðir með á næsta ári," sagði Þóroddur við Fótbolta.net í kvöld.

Þóroddur tilkynnti í síðustu viku að hann ætli að halda áfram í dómgæslu á næsta tímabili eftir að hafa verið að íhuga að leggja flautuna á hilluna.