Jóhannes Karl ásamt þjálfarateymi Fylkis og þeim Ingimundi Níels Óskarssyni og Tómasi Joð Þorsteinssyni sem einnig sömdu í dag.
,,Mér líst vel á þessa hluti sem er verið að gera hérna í Árbænum," sagði Jóhannes Karl Guðjónsson við Fótbolta.net eftir að hann skrifaði undir eins árs samning við Fylki í dag.
,,Eftir að hafa hitt forráðamenn félagsins og þjálfarana til að fara yfir hvað á að gera á næsta tímabili þá var þetta auðveld ákvörðun. Ég er spenntur að taka þátt í því verkefni."
,,Eftir að hafa hitt forráðamenn félagsins og þjálfarana til að fara yfir hvað á að gera á næsta tímabili þá var þetta auðveld ákvörðun. Ég er spenntur að taka þátt í því verkefni."
Jóhannes Karl er 34 ára gamall og gerði eins árs samning. Verður næsta sumar hans síðasta tímabil á ferlinum?
,,Það er aldrei að vita. Ég tel mig eiga nóg eftir og það er fínt að gera ár í einu þegar maður er kominn á þennan aldur. Ég tel mig samt eiga 2-3 góð ár eftir."
Fylkir tapaði gegn Fram í lokaumferð Pepsi-deildarinnar og missti um leið af Evrópusæti. Sér Jóhannes Karl ekkert eftir að hafa unnið þann leik með Fram núna?
,,Það er sérstakt þegar maður pælir í því eftir á. Ef Fylkir hefði unnið þann leik værum við hérna í Evrópukeppni. Sá leikur fór eins og hann fór og maður sér aldrei eftir að vinna leiki."
Framarar féllu úr Pepsi-deildinni í sumar. ,,Það voru skelfileg vonbrigði að falla eftir erfitt tímabil. Það var svekkelsi að falla með Fram en því er lokið núna og ég er búinn að segja skilið við fallbaráttu í bili."
,,Markmiðið hér er að gera betur en í fyrra. Það var ágætis árangur en menn vilja bæta sig ár frá ári."
Fylkismenn eru einnig að reyna að fá miðjumanninn Ásgeir Börk Ásgeirsson heim frá GAIS í Svíþjóð. ,,Hann er hörkuleikmaður og það væri frábært. Ég held að við gætum verið flottir saman."
Hér að ofan má sjá viðtalið í heild sinni.
Athugasemdir
