Niðurtalningin - Tveir vendipunktar síðasta sumar
Niðurtalningin - Eitthvað nýtt og miklu stærra
Aldrei heim - Horfum ekki á E-riðilinn á EM
Niðurtalningin - Hverfisstrákarnir úr Árbænum
Aldrei heim - Kjartan Henry fékk góða gjöf frá Úkraínumanni
Aldrei heim - Formaðurinn í takkaskónum
Niðurtalningin - Sama uppskrift og í fyrra
Aldrei heim - Landsliðið komið til Póllands
Útvarpsþátturinn - Jói Kalli, Bjarki Már og Elvar Geir um landsliðið
Beint frá Búdapest - Hetjan sem mátti ekki tala
Beint frá Búdapest - Áfall að morgni leikdags
Viktor Unnar: Fann strax að þetta er eitthvað sem á við mig
Aron Jó: Cole Campbell tekur sínar eigin ákvarðanir
Hugarburðarbolti Þáttur 8
Beint frá Búdapest - Skiptar skoðanir á ákvörðuninni um Albert
Hákon Rafn - Umspilið og leiðin til Brentford
Enski boltinn - Töfrar í bikarnum
Útvarpsþátturinn - Landsliðsvalið fyrir bardagann í Búdapest
Hugarburðarbolti Þáttur 7
Gylfi mættur í Val - Lyftir deildinni upp um nokkrar hæðir
   mán 30. nóvember 2015 13:30
Útvarpsþátturinn Fótbolti.net
„Viss um að úrslitum hefur verið hagrætt á Íslandi"
Þórir Hákonarson, fyrrum framkvæmdastjóri KSÍ.
Þórir Hákonarson, fyrrum framkvæmdastjóri KSÍ.
Mynd: Fótbolti.net - Hafliði Breiðfjörð
Mynd: Getty Images
Þórir Hákonarson, fyrrum framkvæmdastjóri KSÍ, var gestur í útvarpsþættinum Fótbolti.net á X-inu FM 97,7 á laugardag. Rætt var um veðmálastarfsemi og hagræðingu úrslita sem er vaxandi vandamál í heimsfótboltanum.

„Hagræðing úrslita tengist alltaf veðmálum en það er á hreinu að veðmál tengjast ekki alltaf hagræðingu úrslita. Flest veðmálastarfsemi er í lagi en hagræðing úrslita er mikið vandamál í fótboltanum og fleiri íþróttum. Ég er ekki svo einfaldur að halda því fram að Ísland sé eitthvað frábrugðið í þessum efnum," segir Þórir.

Mjög erfitt er að eiga við mál af þessu tagi og er Þórir sannfærður um að úrslitum hafi verið hagrætt hér á landi án þess að það hafi komist upp.

„Það er klárt að þetta hefur verið reynt á Íslandi og ég er viss um að þetta hafi þegar gerst á Íslandi þó maður geti ekki bent á það. Ég er sannfærður um að hér hefur úrslitum verið hagrætt. Það er fullt af leikjum sem fram fara hér á landi og fá litla sem enga athygli en þá má finna á veðmálasíðum úti í heimi, 2. flokksleiki og æfingaleiki."

Þórir segir að nokkrum sinnum hafi KSÍ fengið ábendingar um leiki þar sem grunsemdir voru um að eitthvað ólöglegt væri í gangi.

„Eitthvað af því var skoðað en við vorum aldrei með neitt fast í hendi um þetta. Hagræðingar úrslita er margþættur bransi og menn þekkja það í öllum íþróttagreinum; menn eru að múta dómurum eða leikmönnum og svo eru dæmi um að menn kaupi heilu fótboltafélögin," segir Þórir.

15-16 leikmenn sem bjuggu saman í einu húsi
Fyrir nokkrum árum var reynt að stofna félag hér á landi sem átti að taka þátt í Íslandsmótinu og hugmyndin var að hagræða úrslitum. Starfsmenn KSÍ fundu út að það væri maðkur í mysunni.

„Það kom erlendur aðili hingað til lands sem ætlaði að setja á fót lið hérna með lettneskum leikmönnum. Hann ætlaði fyrst að kaupa Grindavík en ekkert varð úr því og ákvað hann sjálfur að stofna félag og skráði það í Íslandsmót og bikarkeppni," segir Þórir.

„Það var eitthvað undarlegt við skráninguna á þessu liði og við fórum að kanna þetta betur. Þá voru komnir til Íslands 15-16 leikmenn sem bjuggu saman í einu húsi og voru byrjaðir að æfa. Ég hafði samband við kollega mína í viðkomandi landi og þeir könnuðust við kauða. Það var ástæða fyrir okkur að ætla að það væri eitthvað vafasamt í gangi og þeim var ekki leyft að stofna þetta félag formlega."

Viðtalið við Þóri má heyra í heild sinni í spilaranum hér að ofan.

Sjá einnig:
Upptaka - Hlustaðu á útvarpsþáttinn í heild sinni
Athugasemdir
banner
banner
banner
banner