Federico Chiesa er 20 ára gamall og með byrjunarliðssæti hjá Fiorentina. Faðir hans, Enrico, ætti að vera flestum lesendum kunnur eftir magnaðan feril í ítalska boltanum.
Federico segist enn eiga langt í land með að verða jafn góður og faðir sinn, en áttar sig á því að hann hefur mikinn tíma.
Federico segist enn eiga langt í land með að verða jafn góður og faðir sinn, en áttar sig á því að hann hefur mikinn tíma.
„Ég er ekki sami leikmaður og faðir minn, ég er ekki jafn góður að skjóta en ég er að vinna í því," sagði Chiesa við Corriere della Sera.
„Faðir minn segir að maður verði ekki að alvöru leikmanni fyrr en eftir 300 leiki í efstu deild, ég er bara búinn að spila 50 deildarleiki og á enn langt í land.
„Ég hef ekki áorkað neinu og fólk hefur ekki ennþá fengið að sjá mig uppá mitt besta. Ég á ennþá eftir að bæta mig á mörgum sviðum."
Napoli, Juventus, Inter, PSG og FC Bayern hafa öll sýnt Chiesa áhuga á tímabilinu en hann framlengdi samninginn við Fiorentina til 2022 á dögunum. Chiesa segist ekki vilja yfirgefa uppeldisfélagið strax.
Athugasemdir