Spánarmeistarar Atletico Madrid áttu ekki í neinum vandræðum með Eibar í Spánarsparkinu í dag.

Antoine Griezmann kom meisturunum yfir eftir sjö mínútna leik og lagði svo upp mark fyrir Mario Mandzukic á 23.mínútu. Mandzukic var ekki hættur og bætti við öðru marki tveim mínútum síðar. Heimamenn náðu að klóra í bakkann á lokamínútum leiksins en sigur Atletico var aldrei í hættu.

Atletico jafnar þar með Barcelona að stigum í 2.sæti deildarinnar en er fjórum stigum á eftir erkifjendunum í Real Madrid.