Hallgrímur var miðvörður hjá Íslandi í dag.
,,Við hefðum viljað spila betri leik," sagði Hallgrímur Jónasson miðvörður Íslands eftir 1-1 jafntefli gegn Eistlandi í vináttulandsleik í Tallin í dag.
,,Mér fannst við byrja vel fyrstu 20, spiluðum vel frá þeirra pressu og skoruðum fínt mark. Síðan eru þeir betri seinni hluta fyrri hálfleiks. Í hálfleik töluðum við um hvernig við ætluðum að komast aftur inn í leikinn en mér fannst það ekki ganga nógu vel."
,,Mér fannst þeir hættulegri en við, þó við höfum fengið nokkur góð færi fannst mér ekki nógu góður balance í liðinu. Þetta er æfingaleikur og margir fengu tækfæri, 1-1 á útivelli. Við skulum ekki mála þetta svartara en það er."
Ísland fékk klaufalegt mark á sig sem Eistar jöfnuðu metin úr í síðari hálfleik.
,,Já við missum boltann á leiðinlegum stað og fengum á okkur 2 á 2 og það kemur utanáhlaup sem við töluðum vel um hvernig við ætluðum að leysa ég og Raggi en svo skaut hann fyrir utan teig og því miður fór boltinn inn."
Athugasemdir
