„Menn voru mjög svekktir yfir þessari niðurstöðu," sagði Hörður Björgvin Magnússon, leikmaður Íslands, eftir 1-1 jafntefli gegn Eistlandi í kvöld.
„Í fyrri hálfleik áttum við að skora fleiri mörk en í seinni hálfleik duttum við aðeins neðar á völlinn og þess vegna skoruðu þeir."
„Þetta lið spilar mjög sterkan varnarleik og það var erfitt að brjóta þá niður í seinni hálfleik."
Hörður er að gera flotta hluti á Ítalíu og er framtíðarmaður landsliðsins. „Þetta er rosalega sterkt lið og við eigum góða möguleika á því að fara til Frakklands. Ég er stoltur af því að komast í þennan hóp og spila einhverja leiki," sagði Hörður.
Viðtalið má sjá í heild í sjónvarpinu hér að ofan.
Athugasemdir