,,Þetta var ekki nógu gott, við byrjuðum vel fyrstu 20 en eftir það var þetta bara lélegt held ég," sagði Ögmundur Kristinsson markvörður íslenska landsliðsins eftir 1-1 jafntefli við Eistland í vináttulandsleik í Tallin í dag.
,,Við byrjuðum af krafti eins og við ætluðum okkur en svo féllum við bara niður og leyfðum þeim að stjórna leiknum sem er hálf grátlegt."
,,Það vantaði mikið flæði í spilamennskuna og völlurinn hjálpaði manni ekkert við það. En það er engin afsökun. Því fór sem fór."
Ögmundur var spurður út í jöfnunarmark Eistlands í leiknum og hvort hann hafi viljað sjá mennina fyrir framan sig gera betur?
,,Jájá, auðvitað hefði Raggi getað lokað betur á hann og það er gott að vera vitur eftirá. En það er ekkert að segja við því í dag."
,,Ég held að hver og einn einasti í dag sjái það hjá sér sjálfum að þeir geta gert mikið betur. Það sást inni í klefa eftir leikinn að menn voru svekktir með þetta."
Viðtalið má sjá í sjónvarpinu að ofan.
Athugasemdir