Sir Bobby Charlton tók á móti honum
Mourinho er tekinn til starfa hjá Man. Utd
Man. Utd goðsögnin Sir Bobby Charlton virðist hafa tekið ráðninguna á Jose Mourinho í sátt, en þeir tveir ásamt Ed Woodward voru myndaðir á æfingasvæði félagsins í gær.
Charlton og Woodward tóku á móti Mourinho og aðstoðarmanni hans, Rui Faria og sýndu þeim æfingasvæði United í Carrington.
Charlton var upprunalega mótfallinn því að Mourinho tæki við United, en svo virðist sem hann hafi skipt um skoðun.
Mourinho er sagður hafa skoðað æfingarsvæðið í rúma fjóra tíma, en hann mun hefja störf hjá félaginu nú þegar.
Fyrstu leikir hans hjá United verða svo í Kína á undirbúningstímabilinu, en liðið mun mæta Dortmund 22. júlí og Manchester City 25. júlí.
Afar áhugavert verður að fylgjast með leiknum gegn City, en þá mun Mourinho mæta Pep Guardiola, nýjum stjóra City, í fyrsta skipti sem stjóri United, en mikill rígur er á milli þeirra.
Jose Mourinho made his first visit to the Aon Training Complex today… #WelcomeJose pic.twitter.com/D0NmNNJtmV
— Manchester United (@ManUtd) May 30, 2016
Athugasemdir
