Alfreð var í byrjunarliðinu og lék allan leikinn í fremstu víglínu spænska liðsins en tókst hinsvegar ekki að koma boltanum í netið að þessu sinni.

Sociedad er í afar fínum málum fyrir síðari leik liðana sem fram fer eftir viku.

Þá var landsliðsmaðurinn Ragnar Sigurðsson í sigurliði rússneska félagsins Krasnodor gegn Diosgyor frá Ungverjalandi. Lokatölur urðu 5-1, en leikið var í Ungverjalandi.

Í Úkraínu gerðu Molde og Zorya 1-1 jafntefli. Björn Bergmann Sigurðarson spilaði ekki með Molde að þessu sinni.

Ólafur Ingi Skúlason og liðsfélagar hans í Zulte-Waregam eru í vægast sagt slæmri stöðu eftir 5-2 tap á heimavelli gegn Sachter Soligorsk frá Hvíta-Rússlandi, á meðan Kristinn Jónsson var í tapliði Brommapojkarna gegn Torino á heimavelli, 3-0.

IFK Gautaborg, með Hjálmar Jónsson innanborðs, tapaði sömuleiðis á heimavelli gegn Rio Ave frá Portúgal. Lokatölur í Svíþjóð voru 1-0.