Heimild: Metro.co.uk
Háværir orðrómar eru í gangi þessa dagana um að miðjumaðurinn Arturo Vidal muni ganga í raðir Manchester United frá Juventus.
Enska dagblaðið Metro greinir frá því í dag að Vidal hafi þegar staðist læknisskoðun hjá United og að munnlegt samkomulag hafi náðst um samning leikmannsins.
Enska dagblaðið Metro greinir frá því í dag að Vidal hafi þegar staðist læknisskoðun hjá United og að munnlegt samkomulag hafi náðst um samning leikmannsins.
Læknisskoðunin mun hafa farið fram í heimalandi Vidal, Síle, þar sem hann var nýverið staddur í sumarfríi að loknu Heimsmeistaramótinu.
Metro segir einnig að United hafi boðið Vidal 200.000 pund í vikulaun en að félögin eigi enn eftir að ná samkomulagi um kaupverðið.
Athugasemdir