„Ég er í skýjunum með þetta," sagði Rúnar Páll Sigmundsson, þjálfari Stjörnunnar, eftir 1-0 sigur gegn Lech Poznan frá Póllandi í fyrri leik liðanna í forkeppni Evrópudeildarinnar.
Lestu um leikinn: Stjarnan 1 - 0 Lech Poznan
„Varnarleikurinn var frábær í 90 mínútur og Ingvar (Jónsson) góður bak við. Þetta var mjög sterkur sigur fyrir íslenskan fótbolta. Við reyndum að loka á að þeir myndu spila gegnum miðjuna og það tókst mest allan leikinn."
„Við skorum helvíti skemmtilegt mark og frábært að eiga möguleika á að ná frábærum úrslitum á útivelli. Við erum ekkert verra lið en þeir."
„Það verður miklu erfiðara verkefni í Póllandi. Þeir fylla sennilega völlinn hjá sér enda þurfa þeir stuðning. Það er gríðarlegur stuðningur bak við þá í Póllandi og það verður þvílík upplifun fyrir okkur."
Viðtalið má sjá í sjónvarpinu hér að ofan.
Athugasemdir