Anna sem er 27 ára gömul getur spilað sem miðjumaður eða framherji.

Hún spilaði sex leiki með Val í Pepsi-deildinni og Borgunarbikarnum í sumar.

Hún hefur spilað með HK/Víkingi, Val, Aftureldingu, KR og Selfossi hingað til á ferlinum.

Samtals hefur hún spilað 108 leiki í deild og bikar og skorað í þeim 37 mörk.

Þrótti hefur gengið illa að skora í sumar og aðeins skorað 4 mörk í fyrstu 12 leikjum mótsins. Liðið er í næst neðsta sæti deildarinnar með 2 stig.

Haraldur Sigfús Magnússon tók við þjálfun liðsins í vikunni af Guðrúnu Jónu Kristjánsdóttur.