Theo Walcott, sóknarleikmaður Arsenal, hefur skrifað undir nýjan fjögurra ára samning við félagið. Við erum að tala um 140 þúsund pund á viku. Mikið hefur verið ritað og rætt um framtíð Walcott en nú er staðfest að hún liggur á Emirates.
Þessi 26 ára Englendingur hefur skorað 50 deildarmörk í 208 leikjum síðan hann kom frá Southampton 2006 fyrir 12,5 milljónir punda.
Þessi 26 ára Englendingur hefur skorað 50 deildarmörk í 208 leikjum síðan hann kom frá Southampton 2006 fyrir 12,5 milljónir punda.
Þá hefur Santi Cazorla, spænski landsliðsmiðjumaðurinn, einnig skrifað undir nýjan samning við Lundúnafélagið.
Í tilkynningu frá Arsenal segir knattspyrnustjórinn Arsene Wenger að báðir séu þetta hágæðaleikmenn sem eru mikilvægir í leikmannahópnum.
Arsenal varð bikarmeistari síðasta tímabil og mætir Englandsmeisturum Chelsea í hinum árlega leik um Samfélagsskjöldinn á sunnudag.
Athugasemdir