,,Við vorum mjög daprir í fyrri hálfleik fyrir utan kannski fyrstu fimm mínúturnar," sagði Bjarni Guðjónsson þjálfari Fram eftir 4-2 sigur liðsins á Keflavík í kvöld.
Lestu um leikinn: Keflavík 2 - 4 Fram
Framarar voru 1-0 undir í hálfleik en þeir náðu að snúa taflinu við í síðari hálfleiknum.,,Strákarnir unnu sig rosalega vel inn í leikinn og kláruðu hann á stuttum kafla í síðari hálfleik."
Framarar náðu að lyfta sér úr fallsæti með sigrinum en liðið er núna tveimur stigum á undan Fjölni.
,,Eftir KR leikinn töluðum við um að það væri fimm leikir framundan. Þetta er úrslitaleikja hrina sem við erum í. Fjölnir var að spila við FH og við eigum Fjölni næst. Þessi leikur var gríðarlega mikilvægur og næsti leikur gegn Fjölni verður ennþá mikilvægari. Við þurfum að gera allt sem í okkar valdi stendur til að sá leikur fari jafn vel og þessi."
Hér að ofan má sjá viðtalið í heild sinni.
Athugasemdir
