Stjarnan vann 3-2 sigur gegn KR í kvöld og er áfram tveimur stigum frá FH sem er í efsta sætinu. Rúnar Páll Sigmundsson, þjálfari Stjörnunnar, segir að sigur Garðabæjarliðsins í kvöld hafi verið fyllilega sanngjarn.
Lestu um leikinn: KR 2 - 3 Stjarnan
„Þetta var góður fótboltaleikur og við vorum miklu betri en KR-ingarnir allan leikinn, kannski voru það fyrstu tíu mínúturnar sem við vorum lengi í gang og þeir skora úr hornspyrnu. Eftir það sáu þeir ekki til sólar fannst mér," sagði Rúnar.
„Það að spila á móti Inter á þeirra velli gerði okkur bara gott. Það var frábært fyrir okkur alla. Þrátt fyrir 6-0 tap þar vorum við klárir í slaginn og þessi sigur sýnir bara styrkinn í okkar liði. Við þurfum bara að vera fókuseraðir á verkefnin."
Stjarnan tefldi fram nýrri vörn í kvöld vegna meiðsla og leikbanna. Heiðar Ægisson var settur í hægri bakvörðinn.
„Hann spilaði hægri bakvörð í fyrsta sinn á ævinni og spilaði óaðfinnanlega."
Viðtalið má sjá í heild hér að ofan.
Athugasemdir