Birkir Bjarnason.
„Það er mjög vont að missa Emil út. Hann er í mjög góðu formi og hefur verið að spila vel. Það er leiðinlegt að missa hann," segir Birkir Bjarnason, leikmaður íslenska landsliðsins, fyrir leikinn gegn Hollandi.
Emil Hallfreðsson verður ekki með í leiknum vegna meiðsla. Emil hefur leikið afar vel á Ítalíu og var maður leiksins gegn Roma á dögunum. Talað er um hann sem einn vanmetnasta leikmann ítölsku A-deildarinnar. Birkir þekkir þá deild vel og er sammála því að Emil sé vanmetinn.
Emil Hallfreðsson verður ekki með í leiknum vegna meiðsla. Emil hefur leikið afar vel á Ítalíu og var maður leiksins gegn Roma á dögunum. Talað er um hann sem einn vanmetnasta leikmann ítölsku A-deildarinnar. Birkir þekkir þá deild vel og er sammála því að Emil sé vanmetinn.
„Hann hefur staðið sig mjög vel á Ítalíu. Heima hafa menn ekki verið að fylgjast mikið með deildinni en ég sé að það er að breytast núna. Ég vona að fólk sjái hvað hann getur."
Birkir gekk í raðir Basel í Sviss fyrir tímabilið.
„Ég hef komið vel inn í hópinn og mér líður mjög vel. Við höfum verið að spila vel og ég er að spila með góðum leikmönnum. Þetta er nokkuð stórt skref en ég hef náð að byrja vel."
Basel féll úr leik gegn Maccabi Tel Aviv frá Ísrael í forkeppni Meistaradeildarinnar á grátlegan hátt. Báðir leikir enduðu með jafntefli en ísraelska liðið skoraði meira á útivelli og missti Basel því af sæti í Meistaradeildinni.
„Við vorum margfalt betra liðið í þessum tveimur leikjum, ef horft er á tölurnar þá er það alveg klárt. En það er ekkert annað að gera en að standa okkur í Evrópudeildinni í staðinn," segir Birkir en viðtalið má sjá í heild sinni í sjónvarpinu hér að ofan.
Athugasemdir
