Gerard Pique, varnarmaður Barcelona á Spáni, er gagnrýndur harðlega í spænskum fjölmiðlum í kvöld fyrir atvik sem átti sér stað er liðið mætti Espanyol í Ofurbikarnum um Katalóníu á dögunum en hann lék sér þá í símanum á bekknum.
Pique skoraði eina mark Barcelona í 1-1 jafntefli gegn Espanyol en Barcelona vann í vítaspyrnukeppni, 4-2.
Hann var tekinn af velli í hálfleik ásamt Luis Suarez en þó svo að um hálfgerðan vináttuleik hafi verið að ræða þá bauð Pique samt upp á afar furðulega hegðun en hann var meira og minna í símanum sínum á bekknum meðan síðari hálfleikur fór fram.
Suarez virtist ekkert alltof sáttur með liðsfélaga sinn en Pique virtist nákvæmlega sama og hélt áfram í símanum er vítaspyrnukeppnin fór fram.
Hann var gagnrýndur mikið fyrir frammistöðu sína El Clasico á dögunum og þá komst hann í kast við lögin er hann sýndi ósæmilega hegðun við lögregluna á Spáni fyrir nokkrum dögum síðan.
Hægt er að sjá myndband af atvikinu úr leiknum gegn Espanyol hér fyrir neðan.
Athugasemdir
