sun 31. desember 2017 21:00
Bjarni Þórarinn Hallfreðsson
Klopp mun gera breytingar fyrir nýársleikinn
Salah er tæpur
Salah er tæpur
Mynd: Getty Images
Jurgen Klopp, stjóri Liverpool hefur staðfest að hann muni gera að minnsta kosti tvær breytingar á liði sínu fyrir útileikinn gegn Burnley á morgun.

Mohamed Salah, sem skoraði bæði mörk Liverpool gegn Leicester í gær er tæpur fyrir leikinn en hann haltraði undir lok leiksins.

Klopp segir að læknateymi Liverpool muni láta hann vita hverjir verða tilbúnir fyrir leikinn á morgun.

„Ég veit ekki hversu margar breytingar við munum gera en þær verða án efa fleiri en ein," sagði Klopp.

Virgil van Dijk, nýjasti leikmaður Liverpool og dýrasti varnarmaður sögunnar verður þá kominn með leikheimild og getur spilað í vörn Liverpool á morgun.
Athugasemdir
banner
banner
banner