sun 31. desember 2017 00:38
Magnús Már Einarsson
Nike auglýsir Barcelona treyjur merktar Coutinho
Philippe Coutinho.
Philippe Coutinho.
Mynd: Getty Images
Á vef Nike í kvöld var boðið upp á möguleika á að kaupa Barcelona treyju og fá hana merkta Philippe Coutinho. Boðið var upp á fría merkingu til 6. janúar en færslunni var eytt skömmu eftir að hún fór í loftið.

Barcelona reyndi ítrekað að fá Coutinho í sínar raðir frá Liverpool síðastliðið sumar en án árangurs.

Margir telja að þessi færsla á vef Nike í kvöld hafi óvart farið í loftið of snemma en hún þykir ýta undir að Coutinho gangi í raðir Barcelona þegar félagaskiptaglugginn opnar í vikunni.

Sumir stuðningsmenn Liverpool vilja hins vegar meina að Barcelona sé að nota Nike til að ýta á að fá félagaskiptin í gegn. Félögin hafa ekkert tjáð sig um málið en Liverpool hefur alltaf sagt að Coutinho sé ekki til sölu.

Það ætti að koma í ljós á næstu dögum hvort að færslan hjá Nike í kvöld hafi verið birt fyrir mistök eða hvort að félagaskiptin stóru séu handan við hornið.




Athugasemdir
banner
banner
banner
banner