fim 08.mar 2018
Svona var hann 2005
Við teljum niður í nýja landsliðsbúninginn, en nú eru 7 dagar þangað til Errea og KSÍ afhjúpa búninginn sem landslið Íslands mun spila í á Heimsmeistaramótinu í Rússlandi í sumar.

Nýi búningurinn verður kynntur formlega fimmtudaginn 15. mars klukkan 15:15.

Næstu daga ætlar Fótbolti.net, í samstarfi við Errea að rifja upp hvernig gömlu landsliðsbúningarnir litu út, eða allt frá árinu 2002, en þá spilaði landsliðið í fyrsta skipti í búningi frá Errea.

Í dag er komið að búningnum frá árinu 2005 en þá spilaði Ísland í búningnum sem sjá má á myndinni hér til hliðar og var þriðji búningur Íslands undir merkjum Errea. Búningurinn er smávægileg breyting á búningi ársins á undan eins og sjá má á myndinni undir fréttinni.

Leikjahæstir í undankeppni HM 2006
Árni Gautur Arason (10)
Arnar Þór Viðarsson (9)
Brynjar Björn Gunnarsson (9)
Kristján Örn Sigurðsson (9)
Indriði Sigurðsson (9)
Eiður Smári Guðjohnsen (8)
Gylfi Einarsson (8)
Heiðar Helguson (8)