banner
   fös 10. desember 2010 13:33
Magnús Már Einarsson
Heimild: BBC 
Barcelona auglýsir á treyjum í fyrsta sinn - Metsamningur
Mynd: Getty Images
Barcelona hefur í fyrsta sinn í 111 ára sögu sinni ákveðið að gera samning við styrktaraðila sem mun auglýsa framan á treyjum félagsins.

Barcelona hefur undanfarin ár borgað fyrir að hafa Unicef framan á treyjum sínum en nú hefur Katar Foundation samþykkt að borga 125 milljónir punda fyrir að auglýsa framan á treyjum félagsins til ársins 2016.

Samningurinn byrjar á næsta tímabili en Katar Foundation og Unicef munu bæði hafa merki sitt framan á búningunum.

Barcelona skuldar mikið en þessi samningur ætti að létta fjárhaginn hjá félaginu og mögulega gefa Pep Guardiola þjálfara pening til að kaupa leikmenn.

Samningurinn er einnig stærsti auglýsingasamnigurinn í fótboltanum en Barcelona mun fá 25 milljónir punda á hverjum tímabili frá Katar Foundation.

Bæði Manchester United og Real Madrid fá rúmar 20 milljónir punda frá sínum styrktaraðila en FC Bayern fær í kringum 23 milljónir punda á tímabili.
banner
banner
banner
banner