Heimild: BBC
Frank Lampard miðjumaður Chelsea mun væntanlega leika með liðinu gegn Liverpool í undanúrslitum Meistaradeildarinnar á miðvikudagskvöldið.
Lampard missti af leik Chelsea og Manchester United í fyrradag en Pat, móðir hans, lést úr lungnasjúkdómi í síðustu viku.
Talið er að Lampard hafi æft í gær og búist er við að hann komi að nýju til móts við liðsfélaga sína í Chelsea í dag.
Leikurinn á miðvikudag er síðari viðureign Chelsea og Liverpool en fyrri leikurinn á Anfield í síðustu viku endaði 1-1 þar sem John Arne Riise skoraði sjálfsmark í lokin.
Athugasemdir
