Graham Poll, einn virtasti dómari allra tíma á Englandi, er sammála því að markið hans Suarez hefði átt að standa en segir að hann hefði persónulega verið búinn að reka Suarez af velli á þessum tímapunkti leiksins.

,,Ég hefði gefið honum gult spjald eftir fyrsta mark leiksins þegar hann hljóp að varamannabekk Everton og dýfði sér fyrir framan David Moyes til að fagna markinu," skrifaði Poll í pistli sínum á vefsíðu Daily Mail.

,,Í ljósi þess að knattspyrnustjóri Everton kvartaði undan dýfum Suarez fyrir leikinn verðskulduðu þessi fagnaðarlæti ekkert nema gult spjald vegna þess að Suarez hafði augljóslega skipulagt þetta og gert einungis til að pirra Moyes og andstæðinga sína.

,,Suarez fékk ekki gult spjald hérna en fékk þó sanngjarnt gult spjald þegar hann traðkaði á hásin Sylvain Distin á 71. mínútu. Þar hefði ég rekið hann af velli með öðru gulu spjaldi."