banner
   sun 26. febrúar 2017 20:08
Magnús Már Einarsson
Lengjubikarinn: Leiknir R. lagði Selfoss
Bjarki Aðalsteinsson skoraði sigurmarkið.
Bjarki Aðalsteinsson skoraði sigurmarkið.
Mynd: Fótbolti.net - Sævar Geir Sigurjónsson
Leiknir R. 1 - 0 Selfoss
1-0 Bjarki Aðalsteinsson ('60)

Leiknir R. lagði Selfoss 1-0 í Lengjubikarnum í kvöld en leikið var í Egilshöll.

Miðvörðurinn Bjarki Aðalsteinsson skoraði eina mark leiksins með skalla eftir hornspyrnu frá Ragnari Leóssyni.

Bjarki var að skora gegn gömlum liðsfélögum en hann lék með Selfyssingum 2013 og 2014.

Bjarki kom til Leiknis í vetur en hann lék með Þór í Inkasso-deildinni í fyrra.

Leiknir sigraði Fylki um síðustu helgi og er því með fullt hús eftir tvær umferðir í Lengjubikarnum.

Selfoss er með eitt stig en liðið gerði jafntefli við KR í fyrsta leik sínum.
Athugasemdir
banner
banner