banner
   fim 09. mars 2017 20:53
Bjarni Þórarinn Hallfreðsson
Lengjubikarinn: Valur með góðan sigur á HK
Orri Sigurður skoraði og gaf stoðsendingu í kvöld
Orri Sigurður skoraði og gaf stoðsendingu í kvöld
Mynd: Fótbolti.net - Jónína Guðbjörg Guðbjartsdóttir
HK 1 - 3 Valur
1-0 Ásgeir Marteinsson úr víti ('26)
1-1 Kristinn Ingi Halldórsson ('57)
1-2 Orri Sigurður Ómarsson ('60)
1-3 Einar Karl Ingvarsson ('77)

Einn leikur fór fram í A-deild Lengjubikars karla í kvöld en það var leikur HK og Vals.

Valsmenn byrjuðu betur en það voru HK sem skoruðu fyrsta markið. Anton Ari, markvörður Vals braut þá á Andi Morina inn í vítateig og var vítaspyrna dæmd við mikil mótmæli Valsmanna. Úr vítaspyrnunni skoraði Ásgeir Marteinsson.

Valur jafnaði leikinn á 57. mínútu en það var Kristinn Ingi Halldórsson sem skoraði markið eftir stoðsendingu Orra Sigurðar Ómarssonar.

Orri var svo sjálfur á ferðinni þremur mínútum síðar en þá skoraði hann eftir aukaspyrnu Einars Karls.

Það var svo Einar Karl sem kláraði leikinn fyrir Valsmenn og innsiglaði góðan 3-1 sigur með frábæru skoti fyrir utan teig sem söng í netinu.

Valsmenn eru búnir að vinna báða leiki sína í Lengjubikarnum en HK-ingar tapað öllum þremur leikjum sínum.

Skoðaðu textalýsingu frá leiknum
Athugasemdir
banner
banner
banner