Keflavík hafði betur gegn Víkingi Reykjavík í A-deild Lengjubikars karla í kvöld, en leikurinn fór fram í Egilshöll.

Keflvíkingar, sem munu spila sitt annað tímabil í Inkasso-deildinni í sumar, byrjuðu af krafti og komust yfir strax eftir fimm mínútna leik þegar Anton Freyr Hauksson skoraði.

Jeppe Hansen bætti við öðru marki fyrir Keflavík hálftíma síðar, en það reyndist lokamark leiksins. Jeppe hefur farið vel af stað hjá Keflavík og það stefnir allt í spennandi sumar hjá honum.

Lokatölur 2-0 fyrir Keflavík, en þetta eru áhugaverð úrslit svo ekki sé meira sagt. Keflavík er núna á toppi Riðils 1 með sjö stig, en Víkingar eru aðeins með þrjú stig að þremur leikjum loknum.

Byrjunarlið Víkings R. Róbert Örn Óskarsson (m)(f), Ívar Örn Jónsson, Milos Ozegovic, Alex Freyr Hilmarsson, Muhammed Mert, Gunnlaugur Fannar Guðmundsson, Arnþór Ingi Kristinsson, Alan Lowing, Örvar Eggertsson, Davíð Örn Atlason, Vladimir Tufegdzic.

Byrjunarlið Keflavíkur: Sindri Kristinn Ólafsson (m), Anton Freyr Hauksson, Frans Elvarsson, Einar Orri Einarsson, Ari Steinn Guðmundsson, Marc McAusland (f), Jeppe Hansen, Sindri Þór Guðmundsson, Marko Nikolic, Leonard Sigurðsson, Tómas Óskarsson.

Markaskorarar af urslit.net